Մուտք

Invalid username or password

Մոռացե՞լ եք գաղտնաբառը

Անշարժ գույքի արքաները. Սամվել Կարապետյանը երրորդ տեղում է. Forbes

Վերադարձ լուրերի բաժին

17:27 , 30 Հունվար 2016

Ռուսական «Ֆորբս» ամսագիրը հրապարակել է 2015թ.-ի տվյալներով ռուսական անշարժ գույքի շուկայի խոշորագույն գործարարների ցուցակը:

Ցուցակը կազմելիս հաշվի են առնվել միայն գործարարների` անշարժ գույքի ոլորտից ստացված եկամուտները, այսինքն` այլ բիզնեսներից ստացված եկամուտները հաշվի չեն առնվել: Առևտրային կենտրոնների եկամուտները հաշվարկվել են վարձակալության հանձնված տարածքների հիման վրա, իսկ այն տարածքները, որոնք ղեկավարում է տվյալ սեփականատերը, հաշվի չեն առնվել:

Եկամուտները գնահատելիս հաշվի են առնվել նաև սեփականատերերի, ինչպես նաև «Colliers International», «Russian Research Group», «Knight Frank», «Cushman & Wakefield», «Jones Lang LaSalle», «CBRE», «Blackwood» խորհրդատվական ընկերությունների, «Arendator» և «Rent.ru» մասնագիտացված առցանց ռեսուրսների, «СПАРК» տեղեկատվական համակարգի, տեղական իշխանությունների և Մոսկվայի կառավարության տրամադրած տեղեկությունները:

Ցուցակում տեղ են գտել 30 գործարարներ։

Առաջին տեղում են հայտնվել գործարարներ Զարահ Իլիևն ու Գոդ Նիսանովը («Киевская площадь» ընկերություն), ովքեր 2015-ին իրենց անշարժ գույքի վարձակալությունից ստացել են 1 միլիարդ 115 մլն դոլար եկամուտ։

ff01

 

2-րդ տեղը զբաղեցրել է IKEA-ի սեփականատեր, շվեյցարացի Ինգվար Կամպրադը` իր 680 մլն դոլար եկամուտով:

ff02

 

Հայազգի գործարար, «Տաշիր գրուպ»-ի սեփականատեր Սամվել Կարապետյանը այս ցանկում երրորդն է:

ff03

Վերջինիս 925 300 ք/մ առևտրային տարածքները, 48 400 ք/մ գրասենյակային տարածքները, 48 000 ք/մ պահեստային տարածքները և 1157 հյուրանոցային համարներն 2015-ին ապահովել են 610 մլն դոլարի եկամուտ, և նա այդ արդյունքով վարկանշային աղյուսակում զբաղեցրել է 3-րդ տեղը:

Հոդվածում նշվում է, որ Սամվել Կարապետյանը հայտարարել է, թե մտադիր է մասնակցել նաև տրանսպորտային հանգույցների կառուցման աշխատանքներին, որոնց առայժմ ներդրողներն այնքան էլ մեծ ուշադրություն չեն դարձնում:

Ստուգեք՝ որքանով եք ծանոթ Հայաստանի տնտեսությանը։ Թեստ

«Ֆորբս»-ը նաև նշում է, որ գործարար ակտիվության ու սպառողական պահանջարկի նվազման պատճառով ռուսական անշարժ գույքի վարձակալության շուկայի առաջատարների եկամուտները կրճատվել են ռեկորդային չափով:

«Ֆորբս»-ի մասնագետները հաշվել են, որ 2015 թվականին Ռուսաստանի անշարժ գույքի շուկայի 30 խոշորագույն ներկայացուցիչների եկամուտները նվազել են 25%-ով: Եթե 2014 թվականին վարձակալությամբ տարածքներ տրամադրողների եկամուտը կազմել էր 9.354 միլիարդ դոլար, ապա 2015 թ.՝ ընդամենը 7.135 միլիարդ դոլար:

ԱՄԵՆԱԿԱՐԴԱՑՎԱԾ ԼՈՒՐԵՐ

Rolls Royce-ի հնարքը՝ արձանիկը գողերից պաշտպանելու համար (տեսանյութ)

Rolls Royce-ի արձանիկը երկար ժամանակ գողացվում էր, մինչև արտադրողը որոշեց վերջնականապես լուծել այս խնդիրը։ 

YouTube-ի ամենաբարձր վարձատրվող բլոգգերները 2017թ. Forbes-ի վարկանիշը (լուսանկարներ)

Forbes-ը հրապարակել է 2017 թվականի՝ YouTube-ի ամենից բարձր վարձատրվող բլոգգերների ցանկը։ Առաջատարը Դենիել Միդդլթոնն է՝ Մեծ Բրիտանիայից։ 26-ամյա գեյմերը տարվա ընթացքում վաստակել է 16,5 մլն դոլար։ Երկրպագուների շրջանում նա հայտնի է որպես DanTDM և 2015 թվականից YouTube-ի ամենաթանկ աստղն է։ Նրա էջը ունի 17 մլն բաժանորդ։ YouTube-ի բոլոր 10 ամենաբարձր վարձատրվող աստղերը մեկ տարվա ընթացքում՝ 2016 թվականի […]

Ինչ հարց կտային տնօրենները, եթե աշխատանքի ընդունվելու հարցազրույցը կազմված լիներ միայն մեկ հարցից

Ո՞րն է այն ամենակարևոր հարցը, որը կարող է օգնել կողմնորոշվել՝ արժե՞ տվյալ մարդուն աշխատանքի վերցնել, թե՞ ոչ։