Մուտք

Invalid username or password

Մոռացե՞լ եք գաղտնաբառը

«Անհրաժեշտ է Ամուլսարի հանքի շահագործումը` խիստ հետևելով բնապահպանական հարցերին»,- Արկադի Մուխսի-Հովեյան

Վերադարձ լուրերի բաժին

21:34 , 19 Օգոստոս 2019

Երկրաբանական գիտությունների թեկնածու Արկադի Մուխսի-Հովեյանը կարծում է, որ պետք է հաշվի առնել Ամուլսարի շահագործման հարցով միջազգային փորձագիտական խմբի եզրակացությունը և թույլատրել հանքի շահագործումը: «Արմենպրես»-ի հետ զրույցում երկրաբանը նշել է, որ լեռնային արդյունաբերությունը Հայաստանում պետք է զարգանա՝ շատ խիստ հետևելով բնապահպանական հարցերին:

«Հնարավոր է, որ հանքի շահագործումն ինչ-որ չափով բնապահպանական ռիսկեր պարունակում է, բայց չէ որ նախագծով այդ ամենը հաշվի առվել է: Եթե փորձագետները համարում են, որ թույլատրելի է հանքի շահագործումը, պետք է հաշվի առնել նրանց եզրակացությունը: Տաք գլխով, զգացմունքներով այս հարցը պետք չէ լուծել: Ինչ-որ մեկը մեքենայով ճանապարհը փակի և պնդի, որ շահագործումը վնաս է, ես չեմ հավատա նրան, որովհետև նա չի հիմնավորում , թե ինչու է վնաս դա: Եթե միջազգային փորձագետը ասում է, որ կարելի է շահագործել, ուրեմն կարելի է: Հանքարդյունաբերությունը կարևոր ոլորտներից մեկն է աշխարհում: Առանց արդյունաբերության շատ դժվար կլինի երկիրը զարգացնել: Բացի այդ, ինչպես կարող ենք չհամաձայնել միջազգային փորձագետների հետ»-, եզրափակել է Մուխսի-Հովեյանը:

ՀՀ նախագահական նստավայրում ընթաել է ՀՀ վարչապետ Նիկոլ Փաշինյանի հրավիրած հանդիպումն Ամուլսարի շահագործման հարցով: Հանդիպումը փակ է եղել, բայց տեղեկություններ կան, որ մասնակցում են Ջերմուկի համայնքապետը, ավագանու անդամները, բնապահպան-ակտիվիստները և այլ շահագրգիռ կողմեր: Ավելի ուշ կառավարությունում վարչապետի գլխավորությամբ կայացել է Ամուլսարի վերաբերյալ խորհրդակցություն:

ԱՄԵՆԱԿԱՐԴԱՑՎԱԾ ԼՈՒՐԵՐ

Մեկնարկել է «Կամուրջ» ծրագիրը

Հատուցումները տրամադրվելու են 2020 թվականի դեկտեմբերի 24-ի ընդունված օրենքի՝ թիվ 2180-Ն, որոշմամբ՝ ՀՀ պաշտպանության, արտակարգ իրավիճակների նախարարությունների, ՀՀ ազգային անվտանգության ծառայության կամ ՀՀ ոստիկանության տրամադրած անվանացանկի հիման վրա։ Շահառու են հանդիսանալու անհայտ կորած զինծառայողի ծնողը և ամուսինը։

ՊԵԿ-ը 2021 թ. սկսել է բիզնեսի համար սպասված նորություններով

Շահութահարկի նվազեցումից մինչև ԱԱՀ գումարի վերադարձի նոր մեխանիզմ:

«Զինծառայողների ապահովագրության» հիմնադրամի գործունեությունը կարգավորող օրենքի փոփոխություն

Առաջիկայում հիմնադրամը հանրությանը կներկայացնի 2021 թվականի բյուջեն, որը կներառի Կենտրոնական բանկի կողմից 2021 թվականի ընթացքում ֆինանսավորելիք ծախսերը: