Մուտք

Invalid username or password

Մոռացե՞լ եք գաղտնաբառը

Անդրադարձիչներով պայուսակներ՝ Ամուլսարի ազդակիր համայնքների 6 դպրոցների աշակերտների համար (տեսանյութ)

Վերադարձ լուրերի բաժին

14:01 , 06 Սեպտեմբեր 2017

Սեպտեմբերի 5 ին և 6-ին Ամուլսարի հանքը շահագործող «Լիդիան Արմենիա» ընկերությունը և Հայաստանում Լիտվայի Հանրապետության դեսպանությունը համատեղ ճանապարհային երթևեկության անվտանգության միջոցառումներ անցկացրեցին Ամուլսարի ազդակիր համայնքների 6 դպրոցների  աշակերտների համար:

Եվրոպական փորձն Ամուլսարի հարակից համայնքներում ներդնելու ծրագիրը «Լիդիան Արմենիան» իրականացնում է Հայաստանում Լիտվայի դեսպանատան հետ համատեղ արդեն երկրորդ տարին՝ սեպտեմբեր ամսին հանքի հարակից համայնքներում ճանապարհային անվտանգությանը նվիրված հատուկ միջոցառում կազմակերպելով և երեխաներին երթևեկության կանոններին իրազեկելով։ Միջոցառմանը մասնակցում էին Հայաստանում Լիտվայի Հանրապետության արտակարգ և լիազոր դեսպան Էրիկաս Պետրիկասը և Լիտվայի ճանապարհային ադմինիստրացիայի էքսպերտները:

«Լիդիան Արմենիա» ընկերության գործադիր տնօրեն Հայկ Ալոյանը միջոցառման ժամանակ ասաց, որ ծրագիրը, որն իրենք Լիտվայի դեսպանատան հետ արդեն երկրորդ տարին են իրականացնում, աշակերտներին ուսուցանում է ճանապարհային անվտանգության մասին. «Այսօր մենք բաժանելու ենք պայուսակներ, բայց սա միայն պայուսակ բաժանել չէ, սա տեղեկացնել է աշակերտներին ճանապարհային անվտանգության մասին, այս պայուսակներն ունեն անդրադարձիչներ, որոնք մթության մեջ թույլ կտան տեսանելի լինել աշակերտներին և անվտանգ պահել նրանց փողոցում»:

Հ. Ալոյանն ասաց, որ այս գաղափարը ծագել է Լիտվայի դեսպանի մոտ, իրենք էլ միանգամից միացել են. «Որովհետև «Լիդիան Արմենիա» ընկերությունը շատ մեծ տեղ է տալիս աշխատանքային անվտանգությանը, մեզ համար շատ կարևոր է մեր աշխատակիցների անվտանգությունը, և այդ իսկ նպատակով մենք ուզում ենք փոխանցենք մեր ունեցած չափանիշերը անվտանգության հետ կապված՝ նաև համայնքներին: Նման առաջարկն ընդունվեց, և արդեն երկրորդ տարին է, ինչ իրականացնում ենք: Առաջին տարին մենք ծրագիրն իրականացրեցինք Ջերմուկ և Կեչուտ համայնքներում, այս տարի մենք կիրականացնենք նաև Գորայքում և Սարավանում: Բաժանվելու են այնքան պայուսակներ, ինչքան աշակերտ ունենք Գորայքում և Սարավանում, ինչպես նաև՝ Ջերմուկ և Կեչուտ համայնքների բոլոր առաջին դասարանցիներին»:

Հայաստանում Լիտվայի Հանրապետության արտակարգ և լիազոր դեսպան Էրիկաս Պետրիկասն էլ լրագրողների հետ զրույցում ասաց, որ ուրախ է, որ արդեն 4-րդ տարին է՝ Լիտվայի դեսպանատունը Հայաստանում Լիտվայի ավտոմոբիլային ճանապարհների ղեկավարության հետ մասնակցում է Հայաստանի ճանապարհային անվտանգության միջոցառումներին:

«Հենց սկզբից էլ մենք մտածում էինք, որ կարող ենք ինչ-որ բանով օգնել Հայաստանին, հատկապես՝ դպրոցներում, մանկապարտեզներում երեխաներին անվտանգության զգացողության ուսուցման առումով, դրա համար ինձ համար հատկապես հաճելի է այցելել մարզային դպրոցներ, որտեղ երևում է, որ երեխաներն ուրախանում են, ընդունում են այդ ամենը շատ բնականորեն: Անկախությունից հետո մեր ստատիստիկան շատ տխուր էր՝ տարեկան 1200 մարդ էր մահանում ճանապարհներին: Այս տարի մենք, ցավոք, ունենք 120 մահացածներ, բայց եթե համեմատում ենք այդ երկու թվերը, տեսնում ենք, որ 10 անգամով կրճատվել են դեպքերը: Դրա համար այն, ինչ մենք այստեղ կանենք, կարծում եմ՝ շատ մեծ ծրագիր է: Շատ շնորհակալ եմ «Լիդիան Արմենիային», որն արդեն 2-րդ տարին է՝ մեզ հետ է»,- նշեց դեսպանը:

Հիշեցնենք, որ «Լիդիան Արմենիան» երկրաբանահետախուզական աշխատանքներ է իրականացնում Հայաստանի Հանրապետության Վայոց Ձորի մարզում՝ Ամուլսարի տարածքում՝ 2006 թվականից սկսած: ՀՀ կառավարության կողմից տրվել է Ամուլսարի ծրագրի Ընդերքօգտագործման իրավունքը և Ծրագրի շինարարության համար բնապահպանական թույլտվությունը: 2016 թվականին ապահովելով անհրաժեշտ ֆինանսավորումը՝ այժմ Ամուլսարի ծրագրի շինարարությունն ընթացքում է: Այս պահին Ամուլսարի հանքավայրում ընթանում են հանքի շինարարության աշխատանքները, որը տևելու է մինչև 2018 թվականի գարուն:

Մանրամասները՝ տեսանյութում:

ԱՄԵՆԱԿԱՐԴԱՑՎԱԾ ԼՈՒՐԵՐ

Վերջին տարիներին առաջին անգամ մայիսին օդանավով Հայաստան ժամանածներն ավելի շատ են եղել մեկնածներից

2018 թվականի մայիսին օդային ճանապարհով Հայաստան է ժամանել 110 390 մարդ, մեկնել՝ 107 225 մարդ։

ՏԵՍԱՆՅՈՒԹ. Բրոնոզյանի փորձագետներն այցելել են Ամուլսար և փոխել կարծիքը շատ հարցերի շուրջ

«Լիդիան Արմենիա» ընկերությունը հյուրընկալեց Հ․Բրոնոզյանին և նրա պատվերով Ամուլսարի ծրագրի փաստաթղթերի հիման վրա հետազոտություն կատարած արտասահմանյան փորձագետներին

Հայաստանն ու Չինաստանը գրանցել են առևտրաշրջանառության ավելի քան 40 տոկոսի աճ. ՀՀ առևտրային կցորդի հարցազրույցը

Հրանտ Աբաջյանը մեր երկրի տնտեսական ներուժը ներկայացնող «Հայաստան՝ դարպաս դեպի խոշոր շուկաներ» խորագրով շնորհանդեսով է հանդես եկել։