Մուտք

Invalid username or password

Մոռացե՞լ եք գաղտնաբառը

«Այստեղ շատ կոշտ պետք է մտցնենք որոշակի համակարգ և խաղի կանոններ». Կարեն Կարապետյան

Վերադարձ լուրերի բաժին

11:49 , 25 Մայիս 2017

Այսօր կառավարության նիստում հանձնարարականները վարչապետ Կարեն Կարապետյանը սկսել է հարկային պարտավորությունների կատարման ապահովմանն ուղղված սնանկության վարույթների վերաբերյալ դիտարկումներով:

Ըստ նրա` իրականացված ուսումնասիրությունների արդյունքում պարզ է դարձել, որ 2016-17թթ. ձևավորված 22 մլրդ դրամ հարկային պարտավորությունները չմարելու հետևանքով հարուցվել է 2100 վարույթ, չնայած կարելի էր որոշ դեպքերում այընտրանքային միջոց կիրառել:

Կ. Կարապետյանը նշել է, որ սնանկության վարույթի տևողությունը երկար է, գույքի կամ դրամական միջոցների արգելադրումը կիրառվել է հայեցողաբար:

Վարչապետը ՊԵԿ նախագահին հանձնարարել է երկամսյա ժամկետում առաջարկություններ ներկայացնել հարկային պարտավորությունների արտադատական կարգով բռնագանձման և համաչափ արգելադրման համակարգված կիրառման վերաբերյալ: Արդարադատության նախարարի պարտականությունները կատարողին վարչապետը հանձնարարել է երկամսյա ժամկետում Սնանկության մասին օրենքում փոփոխությունների վերաբերյալ առաջարկություններ ներկայացնել:

«Չափազանց կարևոր աշխատանք է սա, որովհետև իրականում մեր հետազոտությունները ցույց են տալիս, որ պրակտիկորեն սնանկացման գործընթացների մեջ շատ քիչ ունենք օրինակներ առողջացման, բոլոր մասնակիցների այդ պրոցեսի բավարարման և ընդհանրապես այդ պրոցեսը դառնում է անկառավարելի, շատ սուբյեկտիվ գործընթաց: Այստեղ շատ կոշտ պետք է մտցնենք որոշակի համակարգ և խաղի կանոններ»,- ասել է Կ. Կարապետյանը:

ԱՄԵՆԱԿԱՐԴԱՑՎԱԾ ԼՈՒՐԵՐ

Ինչպես է փոխվել միջին աշխատավարձը՝ ըստ ՀՀ մարզերի

2017 թվականի մայիսին Հայաստանում միջին ամսական անվանական աշխատավարձը կազմել է 188 805 դրամ։

Հայաստանն Իրանի համար կամուրջ է Եվրասիայի ու Եվրոպայի շուկաներ մուտք գործելու համար. Ռոհանիի խորհրդական

«Հայաստանը պայծառ ապագայով երկիր է, և նրա տնտեսական ու առևտրային հարցերով պաշտոնական դեմքերն ունեն մինչև 2035 թվականը զարգացման հիանալի ծրագիր»,- ասել է Թորքանը

ԴԱՀԿ-ի բեռը ծանրացել է. Կատարողական վարույթների շեշտակի աճ

2017թ. հունվար-հունիսին հանրապետությունում դատական ակտերի հիման վրա ստացվել է 796 186 կատարողական վարույթ: