Մուտք

Invalid username or password

Մոռացե՞լ եք գաղտնաբառը

Այլևս անհրաժեշտ չէ տպագրել գազաբալոնի տեղադրման թույլտվության կտրոններ

Վերադարձ լուրերի բաժին

16:02 , 11 Հուլիս 2019

Կառավարությունը որոշում կայացրեց բյուջեի վերաբաշխում կատարել, որով առաջարկվում է ՀՀ տրանսպորտի, կապի և տեղեկատվական տեխնոլոգիաների նախարարության պահպանման ծախսերից, տեղեկատվական ծառայություններ հոդվածից գազաբալոնի տեղադրման թույլտվության կտրոնների համար նախատեսված 2 մլն դրամը վերաբաշխման միջոցով ուղղել «Տեղեկատվական տեխնոլոգիաների խթանում» ծրագրի աջակցություն Հայաստանի ՏՏ ոլորտի մրցունակության բարձրացման միջոցառմանը:

Որոշումը պայմանավորված է հայկական բարձր տեխնոլոգիական արտադրանքի և ծառայությունների բրենդը միջազգային շուկաներում ներկայացման անհրաժեշտությամբ՝ նկատի ունենալով, որ գազաբալոնի տեղադրման թույլտվության կտրոնների տպագրության անհրաժեշտությունը վերացել է:

Որոշման հիմնավորման մեջ նաև նշվում է, որ որոշման նախագծի ընդունման արդյունքում նախատեսվում է ստեղծել տեղեկատվական տեխնոլոգիական ծառայությունների եւ արտադրանքի վերաբերյալ տեղեկատվական փաթեթ, որը համապարփակ տեղեկատվություն կմատուցի հայկական տեխնոլոգիական զարգացման նախապատմության եւ հեռանկարների մասին: Բացի այդ, կիրականացվեն միջոցառումներ, ինչի արդյունքում կստեղծվի տեղեկատվական փաթեթ` Հայկական բարձր տեխնոլոգիական զարգացման ուղու մասին:

Փաթեթը նախատեսվում է մշակել հայերեն և անգլերեն լեզուներով, որը նաեւ կիրառելի կլինի եւ տեղական հայկական ըներությունների, եւ միջազգային շուկաներում նոր գործընկերների ներգրավման, ինչպես նաեւ հայկական արտադրանքի բրենդավորման համար:

Հաշվի առնելով, որ սույն թվականի հոկտեմբեր ամսից նախատեսվում են մի շարք միջոցառումներ եւ ՀՀ բարձր տեխնոլոգիական արդյունաբերության նախարարի հանդիպումներ, ուստի անհրաժեշտ է նշված ծառայությունների ամբողջ ձեռքբերումը իրականացնել մինչեւ 2019 թվականի երրորդ եռամսյակի ավարտը՝ գնման ձեւ սահմանելով մեկ անձից գնում կատարելու ընթացակարգը:

Ընդ որում, հրատապ է համարվում այն կարիքը, որը պետք է ամբողջ ծավալով բավարարվի` պայմանագրի կատարման արդյունքն ամբողջ ծավալով ընդունվի գնման պահանջի ծագման օրվանից մինչեւ 80 օրացուցային օրվա ընթացքում՝ պայմանով, որ հրատապ համարվող ապրանքի մատակարարումը, աշխատանքի կատարումը կամ ծառայության մատուցումը պետք է սկսվեն այնպիսի ժամկետում, որի ընթացքում գնման մրցակցային որեւէ ձեւի կիրառումը ժամկետի առումով անհնար է։

ԱՄԵՆԱԿԱՐԴԱՑՎԱԾ ԼՈՒՐԵՐ

ՊԵԿ-ը կանխել է թմրանյութի տեղափոխման հերթական փորձը

Իրանի քաղաքացին փորձել է դեպի Ճապոնիա արտահանվող ուղեբեռում տեղափոխել ավելի քան 5 կգ «մեթամֆետամին»:

17.01.2020: Շաբաթական ամփոփ տվյալներ կենտրոնական բանկից

Հունվարի 6-12-ն ընկած ժամանակահատվածում բանկերի կողմից դրամով տեղաբաշխված միջոցների ծավալը կազմել է 58.3 մլրդ դրամ, իսկ ԱՄՆ դոլարով տեղաբաշխված միջոցների ծավալը՝ 13.6 մլն ԱՄՆ դոլար:

Գագիկ Խաչատրյանի փաստաբանները հայտարարել են, թե «ժամանակ» թերթը զրպարտություն պարունակող հոդված է հրապարակել

Նրանք դիմել են թերթին՝ պահանջելով անհապաղ հերքում հրապարակել կայքում և թերթի հաջորդ համարում։