Մուտք

Invalid username or password

Մոռացե՞լ եք գաղտնաբառը

Հայաստանում անշարժ գույքի շուկայում աշխուժացում են ակնկալում

Վերադարձ լուրերի բաժին

10:41 , 02 Փետրվար 2017

ՀՀ կառավարությունն իր քաղաքականությամբ նպաստում է անշարժ գույքի, հատկապես բնակարանների, շուկայի աշխուժացմանը: Այս մասին «Արմենպրես»-ի հետ զրույցում ասաց ՀՀ ազգային ժողովի ՀՀԿ խմբակցության պատգամավոր Խոսրով Հարությունյանը: Նրա խոսքով` այն, որ հիփոթեքային վարկերի տոկոսադրույքները կարելի է վճարել եկամտային հարկի շնորհիվ, էական փոփոխություն է մտցնում հիփոթեքի և անշարժ գույքի շուկաներում` բնակարանների վաճառքների առումով: Նա նաև նկատեց, որ անշարժ գույքի շուկայի աշխուժացումը մեծ մասամբ պայմանավորված է բնակչության գնողունակությամբ:

«Տնտեսական ճգնաժամի պայմաններում քաղաքացիներն աշխատում են գումարները խնայել, այսինքն` հետաձգում են որոշ ծախսեր: Միայն անցած տարի բանկերում ֆիզիկական անձանց ավանդների ծավալն ահռելի թվով ավելացել էր: Այսինքն` մարդիկ ավանդ են ներդնում, ստանում են տոկոսներ, բայց չեն գնում մեծ ծախսեր կատարելուն, քանի որ ֆինանսատնտեսական ճգնաժամի պայմաններում, որպես կանոն, տնային տնտեսությունները գնում են խնայողությունների ճանապարհով և հնարավոր ծախսերը հետաձգում են»,- ասաց պատգամավորը` հավելելով, որ, որպես կանոն, մարդիկ իրենց գործերը լավանալուն պե ս լուծում են երկու խնդիր` փոխում են բնակարանը և մեքենա են գնում, իսկ այս պահին այդ վիճակը չկա, քանի որ տնտեսական ճգնաժամի պայմաններում շուկայում եկամուտների ծավալների նվազումը և տրանսֆերտների կրճատումն իրենց ազդեցությունն են թողնում:

Հարությունյանի համոզմամբ` 2017 թվականին ՌԴ-ի տնտեսության աշխուժացման կանխատեսումները ուղղակիորեն կարող են նպաստել տրանսֆերտների ավելացմանը, որի հետևանքով կմեծանա նաև մարդկանց կողմից տնօրինվող եկամուտների ծավալը, ինչն իր ազդեցությունը կթողնի անշարժ գույքի շուկայի վրա:

Այս տարվա վերջում անշարժ գույքի շուկայում իրավիճակն ավելի բարենպաստ կլինի քան սկզբին: «Կախված պահանջարկից՝ կփոխվի նաև ներդրումների վիճակը: Այսօր կան բավականին նորակառույց շինություններ, որոնց բնակարաններն օտարման խնդիր ունեն: Այդ պատճառով` հենց դրանց իրական պահանջարկը սկսեց ձևավորվել, ապա կավելանա նաև ներդրումների ծավալը կապիտալ շինարարության ոլորտում»,- ընդգծեց Խոսրով Հարությունյանը:

Ընդ որում` նա կարևորեց, որ վերջին շրջանում սկսել են կառուցել ոչ թե էլիտար շենքեր, այլ սովորական և շատ բարեխիղճ որակով շենքեր, որոնք նախատեսված են միջին խավի համար և կունենան իրենց սպառումը:

Ըստ ՀՀ ազգային վիճակագրական ծառայության տվյալների` 2016թ. հանրապետությունում անշարժ գույքի նկատմամբ իրականացվել է 173 568 գործարք:

2016 թվականի հունվար-դեկտեմբերին Հայաստանում անշարժ գույքի նկատմամբ իրականացված օտարումների ընդհանուր թիվը 46 հազար 757 է, այդ թվում` 33 հազար 754 առքուվաճառք, 12 հազար 705 նվիրատվություն և 298 փոխանակում: Միայն դեկտեմբերին հանրապետությունում անշարժ գույքի նկատմամբ իրականացվել է 17 657 գործարք:

2015 թվականի հունվար-դեկտեմբերի գործարքների թիվն ավելի մեծ էր: 2015թ. հանրապետությունում անշարժ գույքի նկատմամբ իրականացվել է 180 944 գործարք: 2015 թվականի հունվար-դեկտեմբերի Հայաստանում անշարժ գույքի նկատմամբ իրականացված օտարումների ընդհանուր թիվը 50 հազար 23 գործարք է, այդ թվում` 36 հազար 413 առքուվաճառք, 13 հազար 255 նվիրատվություն և 355 փոխանակում: 2015թ. դեկտեմբերին հանրապետությունում անշարժ գույքի նկատմամբ իրականացվել է 18 581 գործարք:

Երևան քաղաքի բազմաբնակարան շենքերի բնակարանների մեկ քմ-ի շուկայական միջին գինը 2014թ. կազմել է 273 հազար 600 դրամ, 2015թ-ին` 274 հազար 200, իսկ 2016թ.-ին 274 հազար 900 դրամ: Իսկ բնակելի տների շուկայական միջին գինը մեկ քմ հաշվով 2014, 2015 և 2016 թվականներին կազմել է 286 հազար 700 դրամ:

ԱՄԵՆԱԿԱՐԴԱՑՎԱԾ ԼՈՒՐԵՐ

UCOM-ն ընդլայնել է անվճար հասանելիությամբ կրթական կայքերի ցանկը

Հիշեցնենք, որ մինչև նոյեմբերի 30-ը ներառյալ նշյալ սակագնային պլանների բաժանորդներից ինտերնետի օգտագործման վճար չի գանձվի նաև Twitter, Skype, Zoom, Viber, WhatsApp հավելվածներից օգտվելիս։

Հայաստանի ՀՆԱ-ն նախորդ եռամսյակի համեմատ աճել է 38.6%-ով

Ըստ Վիճակագրական կոմիտեի՝ Հայաստանի բնակչության մեկ շնչի հաշվով ՀՆԱ-ն այս տարվա հուլիս-սեպտեմբերին կազմել է 588 հազ. 434 դրամ կամ 1212 ԱՄՆ դոլար։

«Հայաստան» համահայկական հիմնադրամի ֆինանսական միջոցների ծախսերի մասին տեղեկատվություն

Հաշվի առնելով այս օրերին լրատվամիջոցներից ստացված բազմաթիվ հարցումները, հարկ ենք համարում հրապարակել «Հայաստան» համահայկական հիմնադրամի կողմից կառավարությանը նվիրաբերած դրամական միջոցների տրամադրման կարգի ու այլ մանրամասների վերաբերյալ տեղեկատվությունը։