Մուտք

Invalid username or password

Մոռացե՞լ եք գաղտնաբառը

Ամենակարևորը կրթությունն է. DigiTimes-ը զրուցել է Ucom-ի համահիմնադիր Ալեքսանդր Եսայանի հետ

Վերադարձ լուրերի բաժին

10:16 , 18 Հոկտեմբեր 2018

Տեղեկատվական տեխնոլոգիաների ոլորտում հայտնի DigiTimes-ը անդրադարձել է Ucom ընկերության համահիմնադիրն ու զարգացման գծով տնօրեն Ալեքսանդր Եսայանին։

Ինչպես գրում է DigiTimes-ը, Հայաստանում Ալեքսանդր Եսայանը էտալոնային գործարար է։ 1998 թվականին նա ընկերություն է հիմնել՝ ընդամենը 16 տարեկանում։ Այս այդ ընկերությունն ունի 1800 աշխատող և տարեկան 80 մլն դոլար եկամուտ, Եսայանն էլ վառ օրինակ է՝ ստարտափեր հիմնող երիտասարդ հայաստանցիների համար։

Եսայանը DigiTimes-ի հետ զրույցում ասել է, որ միլիոնավոր հայեր ապրում են արտերկրում և կարիք ունեն հաղորդակցվել Հայաստանում գտնվող իրենց ընտանիքների հետ։ Սակայն 1998 թվականին ցածր եկամուտ ունեցող մարդկանց համար չափազանց դժվար էր զանգ կատարել, ասենք, ԱՄՆ՝ րոպեն 3 դոլարով։

Ալեքսանդրն ու նրա եղբայրը՝ Հայկը, հասկացան, որ հեռահաղորդակցության գինը կարող է կտրուկ նվազել՝ ինտերնետային զանգերի միջոցով։ Նրանք Հայաստանում ծառայություն սկսեցին, որը թույլ էր տալիս Հայաստանի տարբեր ֆիքսված վայրերից զանգեր կատարել ԱՄՆ՝ րոպեն 1 դոլարով։ Այնուհետև Եսայանը հիմնեց մեծ թվով ինտերնետ-սրճարաններ՝ ավելի մեծ թվով մարդկանց հնարավորություն տալով օգտվել էժան ինտերնետային զանգերից։

Կարճ ժամանակ անց՝ 2006 թվականին, Հայաստանի հեռահաղորդակցության շուկան ազատականացվեց։ Ucom-ը ձեռք բերեց ծախսերի տակ խրված Orange Armenia-ին՝ իր անալոգային լարային ծառայությունները փոխարկելով թվայինի։ Այժմ Ucom-ը Հայաստանի թիվ 1 ֆիքսված հեռախոսախակապի համակարգն է, և բջջային կապի ծառայություններ մատուցող թիվ 2 օպերատորը։

Եսայանը հավատացած է, ամենակարևորը կրթությունն է. աշխարհագրական ոչ բարենպաստ և լեռնային լանդշաֆտ ունեցող Հայաստանի ժողովրդի ապագա հնարավորությունները մեծապես կախված են կրթությունից, և միայն կրթության շնորհիվ Հայաստանի ինժեներները կարող են աշխատանք գտնել՝ աշխարհի մասշտաբով։ Կորպորատիվ պատասխանատվության գաղափարին համահունչ՝ Ucom-ը թվային ուսուցման կենտրոններ է հիմնել Հայաստանի հեռավոր գյուղական բնակավայրերում, որտեղ 10 տարեկանից բարձր երեխաները կարող են 3D դիզայնի և ռոբոտաշինության բազային գիտելիքներ ստանալ։ Ընկերությունը պլանավորում է մինչև 2019 թվականն ունենալ 600 թվային ուսուցման կենտրոններ։

Բազում անգամներ Թայվան այցելած լինելով՝ Ալեքսանդր Եսայանը հույս ունի, որ իր ընկերությունը կկարողանա համագործակցության ավելի մեծ հնարավորություններ ունենալ Թայվանի 3D դիզայնի և հեռահաղորդակցության ոլորտում գործող ընկերությունների հետ։ Նա ասում է, որ Ucom-ը Հայաստանում և արտերկրում ապրող միլիոնավոր մարդկանց համար լիարժեք IPTV (Internet protocol television) հեռուստատեսության ծառայություն է ապահովում։ Նա նաև շեշտում է, որ VMware-ի R&D ինժեներների 40%-ը Հայաստանից են, Synopsys-ն ունի ավելի քան 800 հայաստանցի ինժեներ, իսկ Mentor Graphic-ը Հայաստանում ունի խոշոր R&D կենտրոն։

Նա նշել է, որ Հայաստանը, լինելով փոքր երկիր, ունի մեծ տեսլական ՏՏ ոլորտում։

Ամբողջական հոդվածը կարող եք կարդալ այստեղ։ 

ԱՄԵՆԱԿԱՐԴԱՑՎԱԾ ԼՈՒՐԵՐ

«Կառավարության գործողությունները և անգործությունը Լիդիանի ներդրումային ծրագրի դեմ թիրախավորած արշավի մաս են»,- Լիդիան

«Կաշխատենք նաև ELARD-ի հետ, որը ինչպես ներկայացվում է կառավարության կողմից, իրականացնելու է վերջին աուդիտը»,- Լիդան:

Կուսումնասիրեն Հայկական ԱԷԿ-ի՝ մինչև 600 մեգավատ հզորությամբ էներգաբլոկ ունենալու հնարավորությունը

Հայկական ատոմային էլեկտրակայանում շարունակվում են շահագործման ժամկետի երկարաձգման աշխատանքները, որի համար դեռ 2014-2015 թվականներին Հայաստանը Ռուսաստանի Դաշնության հետ ստորագրել է համագործակցության և ֆինանսավորման մասին երկու համաձայնագիր: b4b.am-ի հաղորդմամբ` Հայաստանում ատոմային էներգետիկայի զարգացման հեռանկարները պանելային քննարկման ժամանակ լրագրողների հետ զրույցում Հայաստանի էներգետիկ ենթակառուցվածքների և բնական պաշարների նախարարության էներգետիկայի վարչության ատոմային էներգետիկայի բաժնի պետ Արտեմ Պետրոսյանն ասաց, […]

Քննարկվել են ՀՀ կառավարության և Գերմանական զարգացման բանկի միջև համագործակցության ընդլայնմանը վերաբերող հարցեր

Վարչապետ Նիկոլ Փաշինյանն ընդունել է Գերմանական զարգացման բանկի (KfW) տարածաշրջանային տնօրեն Օլաֆ Ցիմելկայի գլխավորած պատվիրակությանը: Այդ մասին b4b.am-ին հայտնեց կառավարության մամուլի բաժինը։ Կառավարության ղեկավարն ընդգծել է, որ մի քանի ամիսների ընթացքում երկու երկրների միջև տեղի են ունեցել բարձր մակարդակի փոխայցելություններ, որոնք նոր թափ կհաղորդեն հայ-գերմանական բարեկամական հարաբերություններին: Նիկոլ Փաշինյանի խոսքով՝ այդ հարաբերություններում կարևոր տեղ ունի […]