Մուտք

Invalid username or password

Մոռացե՞լ եք գաղտնաբառը

Ամենախոշորներն ու նրանց հարկերը

Վերադարձ լուրերի բաժին

17:51 , 26 Հոկտեմբեր 2015

ՀՀ ֆինանսների նախարարության հարկային ծառայությունը հրապարակել է Հայաստանի Հանրապետության 1000 խոշոր հարկ վճարողների ցանկը` այս տարվա հունվար-սեպտեմբեր ժամանակահատվածի համար։

Ըստ այդ ցանկի՝ հանրապետության 1000 խոշոր հարկատուները` միասին, տարվա առաջին 9 ամիսներին պետբյուջե են վճարել 515.4 մլրդ դրամ` նախորդ տարվա նույն ժամանակահատվածի 504,2 մլրդ-ի դիմաց։ Այսինքն, 1000 խոշորները հարկերն ավելացրել են 11.2 մլրդ դրամով կամ 2.2%-ով։ Ընդհանուր հարկային մուտքերը (բոլոր հարկատուների) այս ընթացքում աճել են 1,3-1,4%-ով։

Նշենք, սակայն, որ հարկերի աճը տեղի է ունեցել առաջին հերթին հարկատուների առաջին 10-նյակի հաշվին։ Այս տարվա ցանկի առաջին 10 տեղերը զբաղեցրած ընկերությունները միասին պետբյուջե են վճարել 144,14 մլրդ դրամ՝ նախորդ տարվա նույն ժամանակահատվածի վճարել էին 130,9 մլրդ դրամ։ Այսինքն` 10 խոշորագույնների կտրվածքով` հարկային մուտքերն ավելացել են ավելի քան 13 միլիարդ դրամով։ Իսկ մնացած 990 ընկերությունների դեպքում ընդհանուր հարկային մուտքերը պակասել են 2 միլիարդ դրամով։

Իսկ ո՞ր ընկերություններն են ամենից շատ ավելացրել հարկերը։

Ինչպես երևում է գծապատկերից, «չեմպիոնը» Որոտանի հիդրոկայանների համալիրն է։ Ընկերությունը այս տարվա հունվար-սեպտեմբերին 7 անգամ ավելի շատ հարկ է վճարել, քան նախորդ տարի (16.7 մլրդ դրամը՝ 2.2 մլրդի դիմաց)։

Զանգեզուրի պղնձամոլիբդենային կոմբինատը հարկերն ավելացրել է 6.2 մլրդ դրամով, «Հայկական էլեկտրական ցանցեր»-ը՝ 4 մլրդ-ով, «Գրանդ-Տոբակոն»` 2.8 մլրդով։

Խոշորագույն հարկատուն` «Գազպրոմ-Արմենիան», հարկերն ավելացրել է 840 միլիոն դրամով (հասցնելով 31 միլիարդի)։

Ավելացնենք նաև, որ առաջին տասնյակում տեղ գտած ընկերություններից 4-ը նախորդ տարվա համեմատ նվազեցրել են հարկերը։ Ամենից շատ հարկերի նվազում գրանցել է «Ղ-Տելեկոմը»` 8.4 մլրդ դրամով։ «Ալեքս Գրիգի» վճարած հարկերը նվազել են 2.8 մլրդ դրամով, «ԱրմենՏելինը»` 1.055 միլիարդով, CPS-ինը` 290,9 միլիոնով։

 

ԱՄԵՆԱԿԱՐԴԱՑՎԱԾ ԼՈՒՐԵՐ

ՈՒՂԻՂ. Նիկոլ Փաշինյանի գլխավորությամբ երթը մեկնարկել է

Հանրահավաքի մասնակիցները ՀՀ վարչապետ Նիկոլ Փաշինյանի ուղեկցությամբ երթով Արցախի պողոտայից երթով շարժվում են դեպի Հանրապետության հրապարակ։

Հայաստանի հանքարդյունաբերողներն ու նրանց վճարած հարկերը

Մետաղական հանքարդյունաբերությամբ զբաղվող 10 խոշորագույն ընկերությունները միասին այս տարվա առաջին կիսամյակում պետբյուջե են վճարել մոտ 55 մլրդ դրամի հարկեր և տուրքեր

Նիկոլ Փաշինյանի վարկանիշը 100 օր անց՝ 77.2%. օնլայն հարցման արդյունքները

Դատելով արդյունքներից՝ վարչապետը 100 օրվա գործունեությունից հետո պահպանում է չափազանց բարձր վարկանիշը։