Մուտք

Invalid username or password

Մոռացե՞լ եք գաղտնաբառը

Ամենաապրանքային ապրանքները կամ հայկական գյուղմթերքների «ճակատագիրը» (ինֆոգրաֆիկա)

Վերադարձ լուրերի բաժին

14:40 , 27 Ապրիլ 2016

Կարո՞ղ եք ասել՝ ինչ է ապրանքը։ Տնտեսագիտության հետ կապ չունեցող ընթերցողին այս հարցը կարող է տարօրինակ թվալ, սակայն ամեն ինչ այդքան պարզ չէ։

Նույն իրը կարող է և՛ լինել ապրանք, և՛ չլինել։ Օրինակ, եթե դուք ձեր սեփական տան այգում պոմիդոր եք աճեցնում, որն ուտում եք ընտանիքով կամ մաս հանում բարեկամներին, դա ապրանք չէ։ Պոմիդորը ապրանք կդառնա այն պահից, եթե դուք այն վաճառեք կամ փոխանակեք։

Ընդհանուր սահմանմամբ, ապրանքը աշխատանքի արդյունքն է, որը նախատեսված է վաճառքի կամ փոխանակության համար։

Իսկ ի՞նչ է ապրանքայնությունը։ Դա էլ ինքնուրույն կարող եք գլխի ընկնել, սակայն ամեն դեպքում ասենք. ապրանքայնությունը վաճառված, ապրանքափոխանակման և ծառայությունների դիմաց բնամթերքով տրված ծավալների տեսակարար կշիռների հանրագումարն է։

Օրինակ, եթե ձեր այգուց հավաքել եք 100 կարտոֆիլ, որից 20 կգ-ը ինքներդ եք սպառել, 50 կգ-ը՝ վաճառել, մնացած 30-ը՝ փոխանակել ալյուրի հետ, ապա ձեր տնտեսության մեջ պոմիդորի ապրանքայնության մակարդակը կլինի 80%։

Իսկ ի՞նչ ապրանքայնություն ունեն Հայաստանի գյուղացիական տնտեսությունների կողմից արտադրվող արտադրանքի առանձին տեսակները՝ միսը, կարտոֆիլը և այլն։ Այս հարցի պատասխանը կարելի է գտնել  ՀՀ Ազգային վիճակագրական ծառայության կողմից հրապարակված «Գյուղատնտեսական արտադրանքի իրացումը (օգտագործումը) անհատական (գյուղացիական) տնային տնտեսությունների կողմից 2015 թվականին» զեկույցում։

Մենք այդ տվյալները վերածել ենք գծապատկերների, որպեսզի պատկերն առավել պարզ լինի։

Ինչպես տեսնում եք, ամենաապրանքայինը պարենային բոստանային կուլտուրաներն են` 93.1%: Սա նշանակում է, որ արտադրանքի մեծ մասը վաճառվել կամ փոխանակվել է, և ընդամենը 6.9%-ն է օգտագործվել սեփական կարիքների համար կամ պահեստավորվել։ Բարձր ապրանքայնություն ունեն նաև միսը (90.8%) և խաղողը (90.1%)։

Ամենացածր ապրանքայնություն ունի հացահատիկը՝ 30.8%:

  Բացի ընդհանուր ապրանքայնության մակարդակից՝ մենք առանձնացրել ենք 5 արտադրանքի տեսակների մանրամասն պատկերը՝ ըստ մարզերի։ Որ մասն է վաճառվել, որ մասը օգտագործվել, որքան է մնացել և այլն։

Լուսանկարը՝ www.karabakhcenter.com-ի

ԱՄԵՆԱԿԱՐԴԱՑՎԱԾ ԼՈՒՐԵՐ

Հեռահաղորդակցության ոլորտի ընկերությունների եկամուտներն ու շահույթը

2016 թվականի արդյունքներով՝ մեր դիտարկած 4 ընկերություններից ամենամեծ հասույթը ունեցել է ՄՏՍ ՀԱՅԱՍՏԱՆը՝ շուրջ 59.5 մլրդ դրամ

Հայաստանի որ բանկերն են նախընտրում խոշոր վարկառուներին

Ո՞րն է առավել նախընտրելի բանկի համար՝ ամբողջ գումարը տրամադրել մեկ կամ երկու խոշոր վարկառուների՞, թե՞ աշխատել, օրինակ, 100 հոգու հետ

Հայաստանի խոշորագույն վարկատուները. թարմ ցուցանիշներ՝ ՀՀ բանկերից

Ըստ բանկերի հաշվետվությունների՝ 2017 թվականի 2-րդ եռամսյակի վերջի դրությամբ հաճախորդներին տրված վարկերի ընդհանուր ծավալը կազմել է 2 տրիլիոն 578.3 մլրդ դրամ։