Մուտք

Invalid username or password

Մոռացե՞լ եք գաղտնաբառը

Ամբոխավարությունն սպառնում է համաշխարհային տնտեսությանը

Վերադարձ լուրերի բաժին

09:03 , 19 Դեկտեմբեր 2016

Brexit-ից, ԱՄՆ նախագահական ընտրություններում Դոնալդ Թրամփի հաղթանակից և Իտալիայի վերջերս կայացած հանրաքվեի արդյունքների հրապարակումից հետո ողջ աշխարհում սկսվեց տարածվել ամբոխավարության (պոպուլիստական) ելույթների ալիքը: Խոշոր կորպորացիաների ֆինանսական տնօրենները մտավախություն հայտնեցին ամբոխավարության աճի և համաշխարհային տնտեսության համար լուրջ ռիսկի առնչությամբ: Այս մասին հայտնի է դարձել ամեն եռամսյակ իրականացվող հարցումների արդյունքում, որն անցկացվել է նոյեմբերի 28-ից դեկտեմբերի 6-ը CNBC Global CFO Council-ի շրջանում:

CNBC-ի ֆինանսական խորհուրդը ներկայացնում է աշխարհում որոշ խոշորագույն պետական և մասնավոր ընկերություններ, որոնց շուկայական կապիտալիզացիան ամենատարբեր ոլորտներում կազմում է ավելի քան 4 տրլն դոլար: Ֆինանսական տնօրենների շուրջ 41%-ը կարծում է, որ Եվրոպայում ու ԱՄՆ-ում ամբոխավարության աճը բացասաբար է ազդել սպառողական պահանջարկի վրա: Այդ պնդումը ամրապնդվում է այն փաստով, որ երկրորդ եռամսյակն անընդմեջ սպառողական պահանջարկի նվազումը հայտարարվում է որպես խոշոր արտաքին ռիսկի գործոն:

Ամերիկացի հարցվածներից մեկը նշել է. «Բիզնեսն ու սպառողական պահանջարկը նվազում են պետական քաղաքականության առնչությամբ մտավախությունների պատճառով: Ընտրություններից հետո մտավախությունները որոշ չափով նվազել են, սակայն պահանջարկը դեռ չի ավելացել»: Հարցախույզին մասնակցած եվրոպացի երկու մասնակից էլ նշել է, որ անհանգստացած է «ԵՄ-ի փլուզումից և ողջ աշխարհում տարածվող ամբոխավարության աճից»: Հետաքրքիր է, որ ֆինանսական տնօրենների գրեթե 18%-ը հայտարարել է, որ անհանգստացած է ԱՄՆ ընտրություններից հետո առաջացած քաղաքական լարվածությունից, ինչը կարող է բացասաբար ազդել աշխատակիցների արդյունավետության վրա:

ԱՄԵՆԱԿԱՐԴԱՑՎԱԾ ԼՈՒՐԵՐ

Մարքեթինգի 10 մահացու սխալեր, որոնք անում են ընկերությունները՝ ըստ Ֆիլիպ Կոտլերի

Ըստ Ֆիլիպ Կոտլերի, գոյություն ունեն մարքեթինգի 10 մահացու սխալեր, որոնք անում են ընկերությունները

Հավաքական ուժի մասին

2016 թվականին մահանում է ԱՆդրեաս Գրաֆի կինը, իսկ երեխայի մոտ հայտնաբերվում է լեյկոմիա։ Կնոջ մահից

Ոստիկանությունը հատուկ գործողություններ է իրականացնում «Սեքյուրիթի Դրիմ»-ում. Lurer.com

Այս տեղեկությունը հաստատել է Ոստիկանության լրատվական վարչության ԶԼՄ-ների հետ կապի բաժնի պետ Էդգար Ջանոյանը