Մուտք

Invalid username or password

Մոռացե՞լ եք գաղտնաբառը

Աճ ունենք, աշխարհը չունի

Վերադարձ լուրերի բաժին

14:56 , 21 Օգոստոս 2015

Այս տարվա հունվար-հուլիսին՝ նախորդ տարվա նույն ժամանակահատվածի համեմատ, ՀՀ տնտեսական ակտիվության աճի տեմպը կազմել է 4.2%։ Այս մասին տեղեկանում ենք ՀՀ Ազգային վիճակագրական ծառայության կողմից հրապարակված զեկույցում, որտեղ ներկայացված են նախնական (շտապ հավաքագրված) ցուցանիշները։

Հիշեցնենք, որ հունվար-հունիսին ՏԱՑ-ը կազմել էր 3.8%: Այսինքն, պաշտոնական վիճակագրության համաձայն, տնտեսական ակտիվության աճի տեմպն ավելացել է։

Իսկ ինչի՞ հաշվին է ակտիվանում տնտեսությունը։ Պարզվում է՝ գյուղատնտեսության։ Գյուղոլորտը երկնիշ աճ է գրանցել։

Այսպես, այս տարվա հունվար-հուլիս ամիսներին ՀՀ գյուղատնտեսության ոլորտի արտադրանքի ծավալը կազմել է 328.4 մլրդ դրամ։ Դա 14.8%-ով գերազանցում է նախորդ տարվա նույն ժամանակահատվածի ցուցանիշը։

Ինչ վերաբերում է մյուս ոլորտներին, դրանք բոլորն էլ աճ են ունեցել՝ տարբեր չափերով։

Արդյունաբերական արտադրանքի ծավալն աճել է 4.1%-ով և կազմել 722.4 մլրդ դրամ։ Ծառայությունների ոլորտը հաշվետու ժամանակահատվածում տվել է 641.8 մլրդ դրամի արտադրանք (աճը՝ 2.4%)։

Շինարարության ոլորտը զրոյականին մոտ՝ 0.4% աճ է գրանցել։ Հունվար-հուլիսին իրականացված շինարարության ծավալը 170.8 մլրդ դրամ է։

Փաստորեն, ըստ պաշտոնական վիճակագրության, ՀՀ տնտեսության բոլոր ոլորտներն աճել են։

Ընդհանուր պատկերը շարունակում է փչացնել միայն ներքին առևտրաշրջանառությունը, որի ծավալը նախորդ տարվա համեմատ նվազել է 4.7%-ով և կազմել 1 տրլն 211.3 մլրդ դրամ։

ԱՄԵՆԱԿԱՐԴԱՑՎԱԾ ԼՈՒՐԵՐ

Սա Հայաստանի համար լուրջ խնդիր է։ Վրաստանը խլո՞ւմ է «հայկական հացը»

Այս հարցը ուղղակիորեն վերաբերում է Հայաստանի ազգային անվտանգությանը։

«Նոր Հայաստանի» տնտեսական աճը` թվերով

2018թ-ի մայիս-հուլիս ամիսներին տնտեսական ակտիվության ցուցանիշը նախորդ տարվա նույն ժամանակաշրջանի համեմատ աճել է 8.8%-ով:

Փող՝ Երևանի համար. ինչպես են քաղաքական ուժերը պատրաստվում զարգացնել մայրաքաղաքը

Չափազանցություն չի լինի, եթե ասենք, որ Երևանը հանրապետություն է՝ հանրապետության մեջ։ Ֆինանսական, տնտեսական, աշխատանքային ռեսուրսների մեծ մասը կենտրոնացած է մայրաքաղաքում։