Մուտք

Invalid username or password

Մոռացե՞լ եք գաղտնաբառը

«ԱԿԲԱ-Կրեդիտ Ագրիկոլ» բանկը ամբողջությամբ զիջում է զոհվածների և նրանց ընտանիքների վարկային պարտավորությունները

Վերադարձ լուրերի բաժին

16:41 , 08 Ապրիլ 2016

«ԱԿԲԱ-Կրեդիտ Ագրիկոլ» բանկը դարձավ թվով արդեն երրորդ բանկը, որը զիջում է զոհվածների և նրանց ընտանիքների վարկային պարտավորությունները։ Բանկը այսօր հաղորդագրություն է տարածել, որում նշվում է

* * *

Հայկական Բանակը, վերջին օրերի ընթացքում մարտնչելով հակառակորդի հետ, հերոսաբար պաշտպանում է մեր Հայրենիքն ու ապահովում բոլորիս անդորրը:

Խոնարհվելով հանուն Հայրենիքի պաշտպանության մեր Բանակի և շփման գիծ մեկնած կամավոր տղաների սխրագործությունների առաջ ԱԿԲԱ-ԿՐԵԴԻՏ ԱԳՐԻԿՈԼ ԲԱՆԿՆ ամբողջությամբ զիջում է Լեռնային Ղարաբաղի Հանրապետությունում հակառակորդի նենգ գործողությունների հետևանքով մարտերում զոհված հերոսների և նրանց ընտանիքների՝ Բանկի առջև ստանձնած վարկային պարտավորությունները:

Հավերժ փա՛ռք նահատակված հերոսներին:

Ցավում ենք և հպարտանում:

* * *

Հիշեցնենք, որ երեկ զոհված զինծառայողների վարկային պարտավորությունները զրոյացնելու որոշում էր կայացրել նաև Հայբիզնեսբանկը։

Իսկ այսօր ավելի վաղ նմանատիպ հայտարարությամբ հանդես է եկել ՎՏԲ-Հայաստան բանկը։

Հիշեցնենք նաև, որ B4B.am-ը նախօրեին նման կոչով դիմել էր ՀՀ կառավարությանը և բանկերին։

ԱՄԵՆԱԿԱՐԴԱՑՎԱԾ ԼՈՒՐԵՐ

Վարչապետ Փաշինյանն ընդունել է ՌԴ ԱԳ նախարար Սերգեյ Լավրովին

Զրուցակիցները քննարկել են հայ-ռուսական հարաբերությունների օրակարգային հարցեր: Վարչապետը նշել է. «Վերջին անգամ Դուք պաշտոնական այցով Հայաստանում եղել եք երկու տարի առաջ, այս ընթացքում Հայաստանում տեղի են ունեցել մեծ փոփոխություններ: Ցանկանում եմ նշել, որ այդ փոփոխությունների արդյունքում մեր երկրների միջև հարաբերությունները նոր դինամիկա են ստացել»:

ՌՈՅԹԵՐՍ: Տնտեսական բարեփոխումների արդյունքում Հայաստանը հայտնվել է եկամտաբերության ձգտող ներդրողների տեսադաշտում

«Հայկական պարտատոմսերն այս տարի գերազանցեցին տարածաշրջանի նմանօրինակ պարտատոմսերից շատերին, ինչը նշանակում է, որ ներդրողները ակնհայտորեն վստահում են շարունակական բարեփոխումներին», – «Reuters» գործակալությանն ասել է «ՎՏԲ Կապիտալ»-ի ֆիքսված եկամտի ստրատեգ Իգոր Ռապոխինը:

ՀՀ տնտեսական աճը 2019 թ. առաջին կիսամյակում կազմել է 6.8%

Նման ցուցանիշ է հրապարակել ՀՀ կենտրոնական բանկը՝ 2019 թ. առաջին կիսամյակին վերաբերող ֆինանսական կայունության հաշվետվության մեջ: