Մուտք

Invalid username or password

Մոռացե՞լ եք գաղտնաբառը

«Ալիքի էֆեկտը». «FDi» ամսագիրը՝ Հայաստանի զարգացման հիմնադրամի մասին

Վերադարձ լուրերի բաժին

Հեղինակ

B4B.am

Խորագրեր

Դայջեսթ

15:19 , 19 Դեկտեմբեր 2017

Աշխարհահռչակ «Financial times» խմբի «FDi» ամսագրի տարեվերջյան համարում հրապարակվել է Հայաստանի զարգացման հիմնադրամի գործադիր տնօրեն Արմեն Ավակ Ավակյանի հարցազրույցը։

Ինչպես «Արմենպրես»-ին տեղեկացրին Հայաստանի զարգացման հիմնադրամի լրատվական ծառայությունից, գլխավոր խմբագիր Քորթնի Ֆինգարի հետ զրույցում ՀԶՀ ղեկավարը խոսել է, թե ինչպես կարող է սփյուռքը կամ ներկայացուցիչների ցանցը նպաստել դեպի երկիր ներդրումների աճին։ Ներկայացնում ենք հատված հարցազրույցից:

– Որպես ՀԶՀ-ի (ներդրումների և արտահանման խթանման ազգային մարմնի) նոր գործադիր տնօրեն, Դուք նշել եք, որ ցանկանում եք ստեղծել կառույցի «2.0» տարբերակը։ Ի՞նչ է դա նշանակում։

– Ես նկատի ունեմ, որ անցյալում ֆինանսական ռեսուրսների մեծ մասն ավելի շատ նպատակաուղղված էր համաժողովներին, խթանման կամ մարքեթինգային միջոցառումներին, մինչդեռ այժմ մտածում ենք ոչ միայն օտարերկրյա ուղղակի ներդրումների, այլ նաև օտարերկրյա նախագծային ներդրումների մասին։ Եթե նախկինում մենք Հայաստանը ներկայացնում էինք որպես վայր, վերջինի դեպքում ներկայացնում ենք կոնկրետ նախագծեր, որոնք հետաքրքիր են։ Այսպիսով, նախագծային թիմը, որը ստեղծում և գործի է դնում իրական ներդրումային ծրագրերը, խթանում է ոչ միայն Հայաստանը, այլ նաև գործնական բիզնես ծրագրեր, որոնց վրա աշխատում ենք:

– Արտերկրում ներկայացուցիչների ցանցի ընդլայնման որոշ ծրագրեր ունեք: Ի՞նչ դեր է դա խաղալու:

– Գաղափարն այն է, որ մենք պետք է բարձրացնենք իրազեկությունը մեր մասին և դրանով խթանենք արտահանման ու ներդրումների մտադրությունը։ Ռազմավարությունը շատ նման է ջրի կաթիլին. մի կաթիլ եք վերցնում և այն գցում ջրի վրա, որն ալիքներ է առաջացնում: Այսպիսով, մեր ռազմավարությունն այն է, որ այդ ալիքներն առաջանան: Կաթիլը կլինի Զարգացման հիմնադրամը: Դա հենց այն կետն է, որտեղ մենք կանգնած ենք։ Մենք լոկոմոտիվն ենք, շարժիչը, որը պատրաստվում է այն առաջ մղել։ Իսկ ալիքի առաջին շերտը պետք է լինի սփյուռքը:

 

ԱՄԵՆԱԿԱՐԴԱՑՎԱԾ ԼՈՒՐԵՐ

Փոքր վարկերի մեծ վտանգը և համակարգային լուծումների պահանջը. ICHD-ի համառոտագիրը

«Վարկ 10 րոպեում», «Վարկ միայն անձնագրով», «Անտոկոս շտապ վարկեր». այսօրինակ գովազդներով լեփ լեցուն են սոցիալական ցանցերն ու կայքերը:

QWERTY ստեղնաշարը ստեղծվել է անգլերեն տեքստը հնարավորինս դանդաղ տպելու համար

Պատճառն այն է, որ առաջին տպամեքենաներ ստեղծողները չէին ենթադրում, թե …

Բարձր վարձատրվող մասնագետը չպետք է ընկալվի որպես հանրության թշնամի․ Վարդան Արամյան (տեսանյութ). Sputnik Armenia

Ըստ Արամյանի` եթե արտագաղթի հետ մեկտեղ տեղի ունենա նաև ուղեղների արտահոսք, սա արդեն լուրջ խնդիր կդառնա երկրի համար։