Մուտք

Invalid username or password

Մոռացե՞լ եք գաղտնաբառը

ԱԺ հանձնաժողովը հետաձգեց հունվարի 3-5-ն աշխատանքային օր սահմանելող նախագծի քննարկումը

Վերադարձ լուրերի բաժին

14:47 , 03 Ապրիլ 2018

Ազգային ժողովի պետական-իրավական և մարդու իրավունքների պաշտպանության մշտական հանձնաժողովը հետաձգեց նախածննդյան տոները վերացնելու մասին օրենքի նախագծի քննարկումը:

Ինչպես հաղորդում է «Արմենպրես»-ը, հանձնաժողովը քննարկեց «Հայաստանի Հանրապետության տոների և հիշատակի օրերի մասին» Հայաստանի Հանրապետության օրենքում փոփոխություն կատարելու մասին օրենքի նախագիծը, որով առաջարկվում է հունվարի 3-ը, 4-ը և 5-ը սահմանել աշխատանքային օր: ՀՀ աշխատանքի և սոցիալական հարցերի նախարարի տեղակալ Թադևոս Ավետիսյանն ընդգծեց, որ նախագծի ընդունման անհրաժեշտությունը պայմանավորված է Հայաստանյան տոնացույցում միայն հայ ժողովրդի ավանդույթներից բխող Ամանոր (Նավասարդ) եւ Ծննդյան տոներ նախատեսելու հրամայականով: «Նախածննդյան տոները ոչ աշխատանքային հանդիսանալը նպատակահարմար չէ նաեւ սոցիալ-տնտեսական տեսանկյունից»,- նշեց Ավետիսյանը:

Նա հավելեց, որ Հայաստանի Հանրապետությունում համաձայն ՀՀ աշխատանքային օրենսգրքի 158-159-րդ հոդվածների, ամենամյա նվազագույն արձակուրդի տևողությունը հնգօրյա աշխատանքային շաբաթվա դեպքում 20 աշխատանքային օր է, և այդ ընթացքում պահպանվում է աշխատատեղը, վճարվում է միջին աշխատավարձը:

«Սրան գումարենք 16 ոչ աշխատանքային օր` ազգային տոներ և հիշատակի օրեր, ստացվում է 36 վճարվող հանգստյան օր: Նախագծի ընդունումը միտված է պետության սոցիալական-տնտեսական և ֆինանսական համակարգերի նորմալ կենսագործունեության ապահովմանը»,- եզրափակեց Թադևոսյանը:

Ազգային ժողովի «Ծառուկյան» խմբակցության պատգամավոր Գևորգ Պետրոսյանը նշեց, որ կառավարության ներկայացրած որոշ նախագծերի հիմնավորումներն ավելի շատ ազատ ոճի շարադրություն են հիշեցնում` ընդգծելով,որ ներկայացված նախագծի հիմնավորումներն էլ այդ ոճի մեջ են: Պատգամավորի համար անհասկանալի է, թե ի՞նչ կապ ունեն այդ երեք արձակուրդային օրերը երկրի սոցիալ-տնտեսական և ֆինանսական համակարգերի կենսագործունեության ապահովման հետ: «Ես չեմ հասկանում, թե ինչու ենք մենք որպես հիմնավորում ներկայացնում, որ այս նախագծի ընդունումը միտված է երկրի սոցիալ-տնտեսական և ֆինանսական համակարգերի նորմալ կենսագործունեության ապահովմանը: Ի՞նչ կապ ունեն այդ երեք արձակուրդային օրերը սոցիալ-տնտեսական և ֆինանսական համակարգերի կենսագործունեության ապահովման հետ: Ես կարծում եմ, որ որևէ կապ չունեն»,- ասաց պատգամավորը:

Գևորգ Պետրոսյանի հետ համաձայնեց նաև ԱԺ պետական իրավական և մարդու իրավունքների պաշտպանության հարցերի մշտական հանձնաժողովի նախագահի տեղակալ, ՀՀԿ խմբակցության պատգամավոր Ռուստամ
Մախմուդյանը: Նա նույնպես կարծիք հայտնեց, որ նախագիծը լրամշակվելու կարիք ունի, քանի որ հիմնավորումներն այնքան էլ չեն արտացոլում նախագծի իրական նպատակը: Մախմուդյանն առաջարկեց հետաձգել նախագծի քննարկումները, կատարել անհրաժեշտ փոփոխությունները և նոր միայն ներկայացնել այն խորհրդարանի քննարկմանը: Ռուստամ Մախմուդյանի առաջարկը պաշտպանեցին նաև հանձնաժողովի նախագահ Գևորգ Կոստանյանը և ԱԺ փոխնախագահ Արփինե Հովհաննիսյանը:

Աշխատանքի և սոցիալական հարցերի փոխնախարար Թադևոս Ավետիսյանն ընդգծեց, որ նախագծի քննարկումը հետաձգելու առաջարկն ընդունելի է` համաձայնելով պատգամավորների մտահոգությունների հետ, որ դրանում ներկայացված հիմնավորումները լրամշակվելու կարիք ունեն: Հանձնաժողովի անդամների որոշմամբ նախագծի քննարկումը հետաձգվեց:

ԱՄԵՆԱԿԱՐԴԱՑՎԱԾ ԼՈՒՐԵՐ

ՎՏԲ-Հայաստան բանկի հայտարարությունը՝ միջնորդ կազմակերպությունների միջոցով վարկեր ձևակերպելու դեպքերի մասին

Վերջիններս, օգտվելով հաճախորդների վստահությունից և գցելով հաճախորդներին մոլորության մեջ, խոստանում են աջակցություն՝

Հայաստանն ավելի շատ չիր է ներմուծում, քան արտահանում (գծապատկեր)

2017 թվականին Հայաստանից արտահանվել է 126.8 տոննա չիր՝ 587.2 հազար դոլար մաքսային արժեքով

«Մեր հարաբերություների պոտենցիալը առևտրի ոլորտում շատ ավելի մեծ է, քան ներկայում այն օգտագործվում է». այաստանում ԵՄ պատվիրակության ղեկավար

«ԵՄ-ն Հայաստանի համար ամենախոշոր, հեռանկարային շուկան է: Մենք, փաստորեն, երկրորդ խոշորագույն ներդրողն ենք Հայաստանում: ԵՄ-ի հետ առևտրի աճը տեսանելի և շոշափելի