Մուտք

Invalid username or password

Մոռացե՞լ եք գաղտնաբառը

Ազատանի բնակիչները կտնտեսեն 70 ԿՎՏ հզորությամբ արևային կայանի շնորհիվ

Վերադարձ լուրերի բաժին

Հեղինակ

B4B.am

Խորագրեր

Լուրեր

11:30 , 08 Մարտ 2019

Շիրակի մարզի Ազատան համայնքում շահագործման հանձնվեց 70 կՎտ հզորությամբ արևային ֆոտովոլտային կայանը: Միջոցառմանը մասնակցել են Շիրակի մարզպետ Տիգրան Պետրոսյանը, ՀՀ-ում Ճապոնիայի արտակարգ և լիազոր դեսպան Ջուն Յամադան, «Եվրասիա» բարեգործական ՀԿ նախագահ Նվեր Թորոսյանը, Ազատանի համայնքապետ Վարդան Իկիլիկյանը, համայնքի բնակիչներ, հյուրեր:

B4b.am-ի տեղեկության համաձայն՝ ֆոտովոլտային կայանը արտադրելու է 100 հազար կՎտ ժամ էլեկտրաէներգիա, ինչի արդյունքում շրջակա միջավայր կարտանետվի 50 հազար կգ ավելի քիչ ածխաթթու գազ՝ բարելավելով ինչպես տեղանքի ու հարակից բնակավայրերի բնապահպանական վիճակը, այնպես էլ՝ Ազատան համայնքի բնակիչների սոցիալ-տնտեսական դրությունը:

«Այս կայանի բացման արարողությանը ես ուրախությամբ եմ մասնակցում մի քանի պատճառներով: Նախ` ինձ համար այս ծրագրի իրականացումը հայ-ճապոնական բարեկամության խորհրդանիշ է, հետո՝ անչափ ուրախալի է, որ գլոբալ տաքացման ժամանակներում մեր մարզում էներգիայի այլընտրանքային տարբերակ է գործարկվում: Այս կայանը հզորությամբ մարզում երկրորդն է, այն շահավետ է մի քանի տեսանկյուններից՝ շրջակա միջավայրն ավելի քիչ կաղտոտվի, իսկ համայնքն էլ որոշակի միջոցներ կտնտեսի, որոնք կուղղվեն այլ խնդիրների լուծմանը»,- նշեց Շիրակի մարզպետը:

Արևային կայանը կառուցվել է «Եվրասիա» ԲՀԿ և Հայաստանում Ճապոնիայի դեսպանության համատեղ համագործակցության արդյունքում՝ Հայաստանում Ճապոնիայի դեսպանության գործակցությամբ իրականացվող «Դրամաշնորհային աջակցություն հանուն մարդկության անվտանգության ապահովման» ծրագրի շրջանակում:

ԱՄԵՆԱԿԱՐԴԱՑՎԱԾ ԼՈՒՐԵՐ

ՎՏԲ-Հայաստան Բանկն առաջարկում է ձևակերպել կենսաթոշակային քարտեր և ստանալ թոշակն անկանխիկ

Կենսաթոշակն անկանխիկ ստանալու համար՝ հաճախորդին անհրաժեշտ է մոտենալ ՎՏԲ-Հայաստան Բանկի իրեն հարմար մասնաճյուղ, ներկայացնելով անձը հավաստող փաստաթուղթ և հանրային ծառայության համարանիշը և լրացնել թոշակային քարտ ստանալու դիմում:

Վիվա-ՄՏՍ-ը կրկին հերքել է քաղաքական գործընթացներում ներգրավված լինելը

Ընկերությունն իրականացրել ու իրականացնում է ռազմավարական կարևոր գործառույթ՝ տրամադրելով հեռահաղորդակցության ու թվային ծառայությունների լայն շրջանակ և ամբողջովին ապաքաղաքական կառույց է:

UCOM-ի LEVEL UP փաթեթներով բաժանորդներն ունեն անսահմանափակ մուտք Tiktok, Spotify, Coursera

Ucom-ի մի շարք Level Up սակագնային պլանների շրջանակում վերոնշյալ երեք հավելվածներից օգտվելիս ինտերնետի համար գանձում չի կատարվում: