Մուտք

Invalid username or password

Մոռացե՞լ եք գաղտնաբառը

ԱԱՀ-ի գումարները հարկատուների միասնական հաշիվ են մուտքագրվում եռօրյա ժամկետում. ՊԵԿ

Վերադարձ լուրերի բաժին

Հեղինակ

B4B.am

Խորագրեր

Պաշտոնական

13:44 , 05 Մայիս 2018

2018թ. հունվարից ուժի մեջ մտած ՀՀ հարկային օրենսգրքի համաձայն՝ ԱԱՀ-ի գումարները հաստատվելուց հետո հարկատուների միասնական հաշիվ են մուտքագրվում եռօրյա ժամկետում, տեղեկացնում է ՊԵԿ տեղեկատվության և հասարակայնության հետ կապերի բաժինը։

Նախկինում ԱԱՀ-ի գումարը հարկատուներին վերադարձվում էր 180-օրյա ժամկետում: Դեռևս 2017թ.-ի ընթացքում Պետական եկամուտների կոմիտեում աշխատանքներ են տարվել այդ ժամանակահատվածը կրճատելու ուղղությամբ և նախորդ տարվա հուլիսից ԱԱՀ-ի գումարները վերադարձվում էին առավելագույնը 90-օրյա ժամկետում, ինչի արդյունքում գումարների ստացման միջին սպասելաժամանակը 2017-ին դարձել էր 61 օր:

Նախորդ տարվա ապրիլից ներդրվել է նաև մինչև 20 միլիոն դրամ հայտերի հիման վրա ավելացված արժեքի հարկի գումարների՝ միասնական հաշվին մուտքագրման պարզեցված կարգը, ըստ որի, կառավարության որոշմամբ սահմանված չափորոշիչները բավարարելու դեպքում, այդ գործընթացն իրականացվում է առանց հարկային մարմնի կողմից ուսումնասիրություն կամ ստուգում կատա­րելու՝ չորս աշխատանքային օրվա ընթացքում:

Մեկ այլ կարգավորմամբ, ՀՀ հարկային օրենսգրքի 74-րդ հոդվածի համաձայն, եթե յուրաքանչյուր հաշվետու կիսամյակին հաջորդող ամսվա 21-ի դրությամբ ԱԱՀ վճարողն ունի փոխհատուցվող գումար, ապա, ուսումնասիրությամբ հաստատվելու դեպքում, այդ գումարը մուտքագրվում է միասնական հաշվին:

Մինչդեռ մինչև 2018թ.-ը դեբետային գումարները կարող էին ուղղվել միայն հարկ վճարողի ԱԱՀ-ի մասով առաջացող հետագա պարտավորությունների մարման կամ ԱԱՀ-ի զրոյական դրույքաչափով հարկվող (արտահանման) գործարքների դեպքում՝ տնտեսվարող սուբյեկտի դիմումի հիման վրա ստուգմամբ կամ ուսումնասիրությամբ հիմնավորվելու դեպքում՝ հաշվանցվել կամ վերադարձվել: Նշենք նաև, որ 2018 թվականից արտահանման գործարքներ չիրականացնող ԱԱՀ վճարողները ԱԱՀ-ի փոխհատուցվող (դեբետագրված) գումարներն այլ հարկային պարտավորությունների մարմանն ուղղելու կամ հետ ստանալու իրավական հնարավորություն ունեն:

ԱՄԵՆԱԿԱՐԴԱՑՎԱԾ ԼՈՒՐԵՐ

ՊԵԿ-ը խուզարկություններ է իրականացրել գազալցակայաններում

«Գազպրոմ Արմենիա» ՓԲԸ-ի՝ «Ավոտգազ» ՍՊԸ-ն, ինչպես նաև «Ավտոստոպ», «ԳԱՕՄ Գրուպ», «Գազ Գրուպ», «Արզնի Գազ», «Ֆակել Գազ» և «Նախշին» ՍՊԸ-ները խուսափել են հարկային պարտավորություններից

ՀՀ վարչապետ Նիկոլ Փաշինյանի գլխավորած պատվիրակությունը ժամանեց Բրյուսել

Հայաստանի Հանրապետության վարչապետ Նիկոլ Փաշինյանի ինքնաթիռը քիչ առաջ վայրէջք կատարեց Բելգիայի Թագավորության մայրաքաղաք Բրյուսելում:

Նիկոլ Փաշինյանը որոշում է ստորագրել

«Պետական վերահսկողական ծառայության մասին» Հայաստանի Հանրապետության օրենքի 6-րդ հոդվածի 1-ին մասի 2-րդ պարբերությանը համապատասխան`